உபுண்டு நெருப்பு நரி about:config பற்றிய ஒரு சிறு விளக்கம்.

உபுண்டு நெருப்பு நரியை பயன்படுத்துவோர்கள் முதலில் செய்ய வேண்டியது இரண்டு முக்கிய குறிப்புகள்

1. home அடைவினுள் இருக்கும் .mozilla என்ற மறைக்கப்பட்ட அடைவினை ஒரு backup எடுத்துகொள்ள வேண்டும்.
2. நெருப்பு நரி முகவரி பெட்டியில் about: config தட்டச்சு செய்து உள்ள போகும் போது என்ன மாற்றம் செய்ய போகிறோமொ அதை முதலில் அதன் default மதிப்பு மற்றும் மாற்றம் செய்ய போகும் வரிகளை ஆகியவற்றை தனியாக ஒரு குறிப்பு எடுத்துக்கொள்ள வேண்டும்.

about:config ல் இருக்கும் அனைத்து அமைப்புகளும் home அடைவினுள் இருக்கும் ./mozilla என்ற மறைக்கப்பட்ட அடைவினுள் இருக்கும் /firefox/xxx.default/prefs.js என்ற கோப்பில் இருக்கும். இதில் xxx.default என்ற அடைவானது .mozilla/firefox/profiles.ini என்ற கோப்பினுள் குறிப்பிடப்பட்டு இருக்கும்.

profile.ini என்ற கோப்பினுள் path=xxx.default என்ற அடைவு தான் நம்முடைய profile ஆகும்.

இன்றையதினம் நண்பர் ஒருவருக்கு ஏற்பட்ட சிக்கலை பற்றி பார்ப்போம். about:config பகுதிக்குள் நுழைந்து அதில் கீழ்கணட வரியில் தவறுதாலாக செய்த சிறு மாற்றம் தான் சிக்கலுக்கு காரணம்.

மேற்கண்ட படத்தில் layout.css.devPixelsPerPx என்பதன் மதிப்பு -1 என்று இருக்க வேண்டும். தவறுதாலாக 96 என்று மாற்றி விட நெருப்பு நரியில் கீழ்கண்ட வாறு தெரிய ஆரம்பித்தது.

இதை சரிசெய்ய home அடைவினுள் இருக்கும் .mozilla/firefox/xxx.default/prefs.js என்ற கோப்பினை திறந்து அதில் layout.css.devPixelsPerPx அதன் மதிப்பு 96 ஆக இருக்கும்.

இந்த 96 என்பதை -1 என்று மாற்றி சேமித்து வெளியேற நெருப்பு நரி மீண்டும் நல்ல முறையில் இயங்கியது.இந்த கோப்பினை திறக்கவோ அல்லது சேமிக்கவோ டெர்மினல் செல்ல தேவையில்லை.

இப்போது நெருப்பு நரி திறக்க நன்றாக வேலை செய்ய ஆரம்பித்தது.