உபுண்டு சில தகவல்கள்

ஜீஎன்யு/லினக்ஸ் மற்றும் சுதந்திர மென்பொருள் இயக்கத்தினை தோற்றுவித்த திரு. ரிச்சர்ல் ஸ்டால்மென் அவர்களின் Linux for you இதழுக்கு அளித்த நேர்காணல் தமிழில் தந்திருக்கிறார் நண்பர் மகேஷ் அவர்கள். அவருக்கு என் நன்றிகள் பல அதற்கான சுட்டி

நண்பர் ந.ர.செ.ராஜ்குமார் அவர்கள் Liebster Blog விருதினை வழங்கியிருக்கிறார். அவருக்கு என் நன்றிகள் பல. அதற்கான சுட்டி

உபுண்டுவில் sector 32 Flexnet problem -grub

உபுண்டுவுடன் விண்டோஸ் நிறுவியிருந்தால் தோன்றும் பிழை இது. அதாவது விண்டோஸில் ஏதேனும் வைரஸ் பதிப்பு இருந்தால் இது மாதிரியான பிழை செய்தி வரும். கணினியானது மீண்டும் மீண்டும் மீளத்துவங்கும். grub மேனுவினுள் செல்லாது. சிடி மூலம் grub மீண்டும் நிறுவினால் Sector 32 being in use by FlexNet என்ற செய்தி தோன்றும். அதாவது sector 32 வில் வேறு ஏதுவும் பதிவாகாது.

இதனை எவ்வாறு சரி செய்வது பற்றிப்பார்க்கலாம்.

1. முதல் வழி

முதலில் 1லிருந்து 63 sector வரையுள்ள தகவல்களை கீழ்கண்ட கட்டளையின் மூலம் ஒரு backup எடுத்துக்கொள்ள வேண்டும்.

sudo dd if=/dev/sda of=~/first_63_sectors bs=512 count=63

பின்னர் 1 லிருந்து 62 வரையிலான sector களின் பதிவுகளை அழிக்க பின்வரும் கட்டளை கொடுக்க வேண்டும். இதன் மூலம் இந்த sector களில் grubனை மீண்டும் நிறுவவும் flexnet தகவல்களை அழிக்கவும் முடியும்.

sudo dd if=/dev/zero of=/dev/sda bs=512 count=62 seek=1

இப்போது லைவ் சிடி மூலம் grub நிறுவிக்கொள்ளலாம். அந்தந்த பதிப்பு சிடியை பயன்படுத்த வேண்டும்.

அல்லது sector 32 வில் உள்ள flexnet தகவல்களை மட்டும் அழிக்க கீழ்கண்ட கட்டளை கொடுக்க வேண்டும்.

sudo dd if=/dev/zero of=/dev/sda bs=512 count=1 seek=32

இங்கு 32 என்பது sector 32 என்பதாகும். 1லிருந்து 62 வரையிலான எந்த sectorல் flexnet பிழை இருக்கிறதோ அந்த sector என்ணை கொடுக்க வேண்டும்.

குறிப்பு: இந்த வழி அனுபவம் உள்ளவர்களுக்கு மட்டும்.

2.இரண்டாவது வழி

இதனை PPA மூலமும் செயல்படுத்த முடியும்.

sudo add-apt-repository ppa:yannubuntu/boot-repair
sudo apt-get update
sudo apt-get install boot-repair

பின்னர் boot-repair என்ற நிரலை இயக்கி பிழையினை சரிசெய்து கொள்ளலாம்.

மேற்கொண்டு grub பிழையினை பற்றி தெரிந்து கொள்ள கீழ்கண்ட சுட்டியை பார்க்கவும்.

https://help.ubuntu.com/community/Boot-Repair

உபுண்டு டெர்மினலில் iso கோப்பினை உருவாக்குதலும் மற்றும் சிடியில் எழுதுதலும்

உபுண்டுவில் டெர்மினலில் ஒரு iso கோப்பினை உருவாக்கி அதனை சிடியில் எழுதவிட முடியும். இதற்கு brasero போன்ற மென்பொருள்கள் தேவையில்லை.

இதற்கு தேவையான மென்பொருள்களை நிறுவ கீழ்கண்ட கட்டளையே போதுமானது.

sudo apt-get install genisoimage wodim

உபுண்டுவில் பல பதிப்புகளை மேலே கண்ட நிரல்கள் இயல்பாக நிறுவப்பட்டிருக்கும். இல்லையேன்றால் நிறுவிக்கொள்ள வேண்டும்.

பின்னர் நாம் விரும்பும் ஒரு அடைவினை தேர்ந்தெடுத்து அதனை சிடியில் எழுதலாம். இதற்கு டெர்மினலில் கீழ்கண்டவாறு தட்டச்சு செய்ய வேண்டும்.

mkisofs -o some.iso /home/username/folder name

இப்போது some.iso என்ற கோப்பானது home அடைவினுள் உருவாகியிருக்கும். இதனை சிடியில் எழுத சிடி வன்பொருள் இருக்கிறதா என்று பார்க்க டெர்மினலில் கீழ்கண்ட கட்டளையிட வேண்டும்.

wodim --devices

கீழ்கண்டவாறு திரை தோன்றும்.



பின்னர் டெர்மினலில்

wodim -v -dao speed=8 dev='/dev/sg0' some.iso

என்று தட்டச்சு செய்தால் சிடியில் some.iso என்ற கோப்பானது எழுதப்பட்டுவிடும்.

உபுண்டுவில் libreoffice 3.4.5 புதிய பதிப்பு

உபுண்டுவில் libreoffice ன் புதியபதிப்பு 3.4.5வினை நிறுவுவதைப்பற்றிப் பார்க்கலாம். இதனை PPA மூலம் எளிதாக நிறுவிக்கொள்ளலாம்.

டெர்மினலில் கீழ்கண்ட கட்டளைகளை தட்டச்சு செய்வதன் மூலம் நிறுவிக்கொள்ளமுடியும்.

sudo add-apt-repository ppa:libreoffice/ppa

sudo apt-get update

sudo apt-get upgrade


இதை பற்றிய அறிவிப்பினை காண இந்த சுட்டியை பார்க்கவும்.

உபுண்டு டெர்மினலில் wireless இணைப்புகளை காண

உபுண்டு டெர்மினலில் நமக்கு அருகில் இருக்கும் wifi இணைப்புகளை காண கீழ்கண்ட கட்டளையினை டெர்மினலில் தட்டச்சு செய்ய வேண்டும்.

iwlist scan

உடனே கீழ்கண்ட திரை டெர்மினலில் தோன்றும்.

இதிலிருந்து wifi யின் தன்மைகளை வேகம் போன்ற தகவல்களை டெர்மினலில் அறிந்து கொள்ளலாம்.

உபுண்டு மடிக்கணினியில் power buttonஐ அழுத்தி உடனடியாக நிறுத்த

உபுண்டு மடிக்கணினியினை power button அழுத்தி உடனடியாக நிறுத்த முடியும்.

உபுண்டு மடிக்கணினியில் power buttonஐ அழுத்தினால் திரையில் கீழ்கண்டவாறு வரும்.

அப்படியில்லாமல் கணினியை உடனடியாக நிறுத்த முடியும். இதற்கு முதலில் இதற்கான கோப்பினை காணலாம். கோப்பானது /etc/acpi/powerbtn.sh ல் இருக்கிறது. எனவே இந்த கோப்பினை ஒரு பேக்கப் எடுத்துகொள்ள வேண்டும். இதற்கு முதலில் டெர்மினலில் கீழ்கண்ட கட்டளையினை கொடுக்க வேண்டும்.

sudo cp /etc/acpi/powerbtn.sh /etc/acpi/powerbtn.sh.back

இந்த கோப்பில் கீழ்கண்டவாறு இருக்கும்.



டெர்மினலில்

sudo gedit /etc/acpi/powerbtn.sh என கட்டளையிட்டு கோப்பில் கீழ்கண்டாவாறு மாற்றிக்கொள்ள வேண்டும்.

இப்போது power buttonஐ அழுத்தினால் மடிக்கணினி உடனடியாக நின்றுவிடும்.

உபுண்டுவில் pdf கோப்புகளை இணைக்க

உபுண்டுவில் ஒன்றுக்கு மேற்ப்பட்ட pdf கோப்புகளை இணைக்க பயன்படும் டூல் pdftk என்பதாகும். இந்த நிரலை கீழ்கண்ட வரியினை டெர்மினலில் கட்டளையாக கொடுப்பதன் மூலம் எளிதாக நிறுவிக்கொள்ளலாம்.

sudo apt-get install pdftk

இந்த நிரலை கீழ்கண்ட வகைகளில் பயன்படுத்தலாம்.

1. ஒன்றுக்கு மேற்பட்ட கோப்புகளை இணைக்க

pdftk A=12.pdf B=13.pdf C=14.pdf [...] cat A B C output 15.pdf

இதில் ABC என்பது கோப்புகளை குறிக்கும்.இந்த கட்டளையானது கோப்புகளில் இருக்கும் எல்லா பக்கங்களையும் இணைக்கும். இதை கொடுக்காமலும் பயன்படுத்தலாம்.

pdftk 12.pdf 13.pdf 14.pdf [..] cat 15.pdf

2.கோப்புகளிலிருந்து தேவையான பக்கங்களை மட்டும் இணைக்க

pdftk A=12.pdf B=13.pdf C=14.pdf [...] cat A2-5 B2-5 C2-5 output 15.pdf

இதில் A2-5, B2-5 மற்றும் C2-5 என்பது கோப்புகளில் எந்தெந்த பக்கங்களை சேர்க்க வேண்டும் என்பதாகும்.

3. wild card பயன்படுத்துதல்

pdftk *.pdf cat output 15.pdf