உபுண்டுவில் sector 32 Flexnet problem -grub

உபுண்டுவுடன் விண்டோஸ் நிறுவியிருந்தால் தோன்றும் பிழை இது. அதாவது விண்டோஸில் ஏதேனும் வைரஸ் பதிப்பு இருந்தால் இது மாதிரியான பிழை செய்தி வரும். கணினியானது மீண்டும் மீண்டும் மீளத்துவங்கும். grub மேனுவினுள் செல்லாது. சிடி மூலம் grub மீண்டும் நிறுவினால் Sector 32 being in use by FlexNet என்ற செய்தி தோன்றும். அதாவது sector 32 வில் வேறு ஏதுவும் பதிவாகாது.

இதனை எவ்வாறு சரி செய்வது பற்றிப்பார்க்கலாம்.

1. முதல் வழி

முதலில் 1லிருந்து 63 sector வரையுள்ள தகவல்களை கீழ்கண்ட கட்டளையின் மூலம் ஒரு backup எடுத்துக்கொள்ள வேண்டும்.

sudo dd if=/dev/sda of=~/first_63_sectors bs=512 count=63

பின்னர் 1 லிருந்து 62 வரையிலான sector களின் பதிவுகளை அழிக்க பின்வரும் கட்டளை கொடுக்க வேண்டும். இதன் மூலம் இந்த sector களில் grubனை மீண்டும் நிறுவவும் flexnet தகவல்களை அழிக்கவும் முடியும்.

sudo dd if=/dev/zero of=/dev/sda bs=512 count=62 seek=1

இப்போது லைவ் சிடி மூலம் grub நிறுவிக்கொள்ளலாம். அந்தந்த பதிப்பு சிடியை பயன்படுத்த வேண்டும்.

அல்லது sector 32 வில் உள்ள flexnet தகவல்களை மட்டும் அழிக்க கீழ்கண்ட கட்டளை கொடுக்க வேண்டும்.

sudo dd if=/dev/zero of=/dev/sda bs=512 count=1 seek=32

இங்கு 32 என்பது sector 32 என்பதாகும். 1லிருந்து 62 வரையிலான எந்த sectorல் flexnet பிழை இருக்கிறதோ அந்த sector என்ணை கொடுக்க வேண்டும்.

குறிப்பு: இந்த வழி அனுபவம் உள்ளவர்களுக்கு மட்டும்.

2.இரண்டாவது வழி

இதனை PPA மூலமும் செயல்படுத்த முடியும்.

sudo add-apt-repository ppa:yannubuntu/boot-repair
sudo apt-get update
sudo apt-get install boot-repair

பின்னர் boot-repair என்ற நிரலை இயக்கி பிழையினை சரிசெய்து கொள்ளலாம்.

மேற்கொண்டு grub பிழையினை பற்றி தெரிந்து கொள்ள கீழ்கண்ட சுட்டியை பார்க்கவும்.

https://help.ubuntu.com/community/Boot-Repair

உபுண்டு 10.10 ல் grub2வின் பின்புல படத்தை மாற்றுதல்

உபுண்டு grub2வின் பின்புல படம் கருப்பு வெள்ளையாகதான் இருக்கும். அதனை நமக்கு விருப்பமான படத்தை வரவழைக்க முடியும். இதற்கு முதலில் டெர்மினலில்

sudo gedit /etc/grub.d/05_debian_theme என்று தட்டச்சு செய்து கோப்பினை திறந்து கொள்ள வேண்டும். அதில் கீழ்க்கண்ட வரியை கண்டுபிடித்து மாற்றம் செய்யவேண்டும்.

WALLPAPER="/usr/share/images/desktop-base/moreblue-orbit-grub.png"

இதில் "/usr/share/images/desktop-base/moreblue-orbit-grub.png" என்பதற்கு பதிலாக நமக்கு விருப்பமான படத்தின் பெயரை கொடுக்க வேண்டும்.

WALLPAPER="/home/username/Pictures/filename.jpg என்று மாற்றிக் கொள்ள வேண்டும்.


இறுதியில் டெர்மினலில்

sudo update-grub என்ற கட்டளையை தட்டச்சு செய்ய வேண்டும். இப்போது கணினியை மீள துவங்க grub2வில் பின்புல படம் மாறி இருப்பதை பார்க்கலாம்.

உபுண்டுவில் grub2வை மாற்றம் செய்ய

உபுண்டுவில் grub2 வை நம் விருப்பம் போல் வரிசையை மாற்ற மற்றும் வேறுசில மெனுக்களை சேர்க்க grub-customiser உதவும்.

முதலில் டெர்மினலில் கீழ்கண்ட கட்டளைகளை தட்டச்சு செய்ய வேண்டும்.

sudo add-apt-repository ppa:danielrichter2007/grub-customizer
sudo apt-get update
sudo apt-get install grub-customizer


இந்த நிரலை நிறுவியப்பின்

Applications->system tools->grub customizer செல்ல வேண்டும்.


மேலே கண்ட விண்டோ வரும் இதில் மெனுக்களின் வரிசையை மாற்றம் செய்யலாம்.வேறு சில மெனுக்களை சேர்க்கலாம். மெனுக்களை சேர்ப்பதற்கு '+' குறியை அழுத்தவேண்டும்.

உபுண்டுவில் usb mount ஆகாமல் இருப்பதை சரி செய்ய

உபுண்டுவில் usb mount ஆகாமல் இருப்பதற்கு அல்லது usb detect செய்யாமல் போவதற்கான சில தீர்வுகள்.

நீங்கள் உபுண்டு 9.04 பயன்படுத்துபவராக இருந்தால். டெர்மினலில்

#sudo gedit /boot/grub/menu.lst என்று தட்டச்சு செய்தால் menu.lst கோப்பு திறக்கும். அதில்

#defoptions=quiet splash என்ற வரிகளை தேடி அந்த வரிகளுக்கு பதிலாக கீழ்கண்டவாறு அமைத்துகொள்ளவேண்டும்.

# defoptions=quiet splash acpi=force irqpoll

பின்னர் டெர்மினலில்

#sudo update-grub என்று தட்டச்சு செய்தால் grub menu.lst ல் நாம் சரிசெய்த வரிகள் சேர்ந்துவிடும்.

நீங்கள் உபுண்டு 9.10 பயன்படுத்துபவர்களாக இருந்தால் டெர்மினலில்

#sudo gedit /etc/default/grub என்று தட்டச்சு செய்தால் grub என்ற கோப்பு திறக்கும். அதில்

GRUB_CMDLINE_LINUX=”” என்ற வரியை கீழ்கண்டவாறு மாற்றிகோள்ளவேண்டும்.

GRUB_CMDLINE_LINUX="acpi=force irqpoll" என்றவாறு மாற்றி பின்னர் டெர்மினலில்

#sudo update-grub2 என்று கட்டளையிட்டால் grub update ஆகிவிடும்.

உபுண்டு 9.10 grub2வில் விண்டோ மற்றும் os களை சேர்த்தல்

உபுண்டு 9.10 grub2வில் விண்டோ மற்றும் வேறு சில osகளை நாம் manualஆக சேர்க்கலாம்.
இதற்கு நேரிடையாக /boot/grub.cfgல் சேர்க்க முடியாது. /etc/grub.d/ என்ற அடைவினுள் இருக்கும் 40_custom என்ற கோப்பில் தான் சேர்க்க முடியும். டெர்மினலில்

#sudo gedit /etc/grub.d/40_custom என்று தட்டச்சு செய்தால் கோப்பு திறக்கும்.

அதில் கீழ்கண்ட வரிகளை சேர்க்க வேண்டும்.

விண்டொஸை சேர்க்க
menuentry "Microsoft Windows XP Professional (on /dev/sda1)" {
insmod ntfs
set root=(hd0,1)
search --no-floppy --fs-uuid --set 3a387ed7387e921d
drivemap -s (hd0) ${root}
chainloader +1
}

வேறு ஏதேனும் osக்களையும் சேர்க்கலாம். நான் mandriva 2010 சேர்த்துள்ளேன்.

menuentry "Mandriva2010 (on /dev/sda3)" {
insmod ext2
set root=(hd0,3)
search --no-floppy --fs-uuid --set c9d1ca16-914d-458d-afbb-6835d04a7ea6
linux /boot/vmlinuz BOOT_IMAGE=linux-nonfb root=UUID=c9d1ca16-914d-458d-afbb-6835d04a7ea6 resume=UUID=3529d991-6e4e-4b3c-8f99-3a5f4dcecd64
initrd (hd0,3)/boot/initrd.img
}

இங்கு uuid=xxx என்பது அந்தெந்த கணினி வன்தட்டின் குறியீடு ஆகும். அதனால் இங்கு தரப்பட்டவை என்னுடைய கணினியுடைதாகும்.

விண்டொஸ் ஏற்கனேவெ நிறுவியிருந்தால் மீண்டும் சேர்க்க தேவையில்லை. தானாகவே சேர்ந்துகொள்ளும். வேறு லினக்ஸ் நிறுவியிருந்தால் நாம் சேர்த்துக்கொள்ளலாம். இங்கு hdo,3 என்பது லினக்ஸ் நிறுவிய வன்தட்டை குறிக்கும்.

முக்கியமாக /etc/grub.d/40_custom என்ற கோப்பினை மாற்றங்கள் செய்யுமுன் backup எடுத்துகொள்வது நல்லது.

/etc/grub.d/ என்ற அடைவினுள் பல கோப்புக்கள் இருக்கும்.

1.00_header
2.05_debian_theme இந்த கோப்பினுள் நம் விருப்பம் போல் text colour,theme அமைத்துக்கொள்ளலாம்.
3.10_linux இந்த கோப்பு linux kernalகளை கண்டறிய பயன்படுகிறது.
4.20_memtest86+ memory test செய்வதற்கு
5.30_os_prober லினக்ஸ் மற்றும் மற்ற osக்களை ஏணைய partitionகளி இருப்பதையும் menuவில் சேர்க்க
5.40_custom நமக்கு தேவையான osகளை சேர்க்க.

மேற்கண கோப்புகளில் 40_custom கோப்பில் தான் ஏதேனும் மாற்றங்கள் செய்ய முடியும்.
மாற்றங்கள் செய்தபின் கோப்பினை செமித்து வெளியேறவும். பின்னர் டெர்மினலில்

#sudo update-grub2 என்று தட்டச்சு செய்தால் /boot/grub.cfg கோப்பினுள் சேர்ந்துவிடும்.

உபுண்டு 9.10 default மற்றும் கால அளவை மாற்ற

உபுண்டு 9.10ல் grub2 defaultஆக அமைந்துள்ளது. இதில் தேவையான மாற்றம் செய்வது எப்படி என்பது பற்றி பார்ப்போம்.

முந்தைய பதிப்பில் உள்ளது போல் நேரிடையாக மாற்றம் செய்ய இயலாது. அதாவது
/boot/grub ல் சென்று மாற்றம் செய்ய முடியாது. 9.10ல் /boot/grub ல் இதன் கோப்பு
/boot/grub/grub.cfg என்று அமைந்திருக்கும். இது read only கோப்பாகும். இதில் திருத்தம் செய்தால் எதுவும் பதிவாகாது.

இதனால் இதன் இன்னொரு கோப்பான

/etc/default/grub என்ற ஒரு கோப்பில்தான் மாற்றங்கள் செய்யமுடியும்.


மேலே உள்ள படத்தில் கோப்பின் உள்ளடக்கம் உள்ளது. இதில் மாற்றங்கள் செய்துகொள்ளமுடியும்.

GRUB DEFAULT இதில் நமக்கு வேண்டிய osஐ முதலில் தொடங்கலாம்.
GRUB_TIMEOUTல் os தொடங்கும் நேரத்தை வினாடியில் அமைக்கலாம்.
எல்லா மாற்றங்களையும் செய்தபின் கோப்பினை செமித்துவிடவும்.

பின்னர் டெர்மினலில்

#sudo update-grub2 என்று தட்டச்சு செய்தால் grub2ல் default மற்றும் கால அளவு மாறியிருக்கும்.