Pages

Sunday, December 18, 2011

உபுண்டு மடிக்கணினியில் power buttonஐ அழுத்தி உடனடியாக நிறுத்த


உபுண்டு மடிக்கணினியினை power button அழுத்தி உடனடியாக நிறுத்த முடியும்.

உபுண்டு மடிக்கணினியில் power buttonஐ அழுத்தினால் திரையில் கீழ்கண்டவாறு வரும்.


அப்படியில்லாமல் கணினியை உடனடியாக நிறுத்த முடியும். இதற்கு முதலில் இதற்கான கோப்பினை காணலாம். கோப்பானது /etc/acpi/powerbtn.sh ல் இருக்கிறது. எனவே இந்த கோப்பினை ஒரு பேக்கப் எடுத்துகொள்ள வேண்டும். இதற்கு முதலில் டெர்மினலில் கீழ்கண்ட கட்டளையினை கொடுக்க வேண்டும்.

sudo cp /etc/acpi/powerbtn.sh /etc/acpi/powerbtn.sh.back

இந்த கோப்பில் கீழ்கண்டவாறு இருக்கும்.



டெர்மினலில்

sudo gedit /etc/acpi/powerbtn.sh என கட்டளையிட்டு கோப்பில் கீழ்கண்டாவாறு மாற்றிக்கொள்ள வேண்டும்.


இப்போது power buttonஐ அழுத்தினால் மடிக்கணினி உடனடியாக நின்றுவிடும்.

Saturday, November 26, 2011

உபுண்டுவில் pdf கோப்புகளை இணைக்க

உபுண்டுவில் ஒன்றுக்கு மேற்ப்பட்ட pdf கோப்புகளை இணைக்க பயன்படும் டூல் pdftk என்பதாகும். இந்த நிரலை கீழ்கண்ட வரியினை டெர்மினலில் கட்டளையாக கொடுப்பதன் மூலம் எளிதாக நிறுவிக்கொள்ளலாம்.

sudo apt-get install pdftk

இந்த நிரலை கீழ்கண்ட வகைகளில் பயன்படுத்தலாம்.

1. ஒன்றுக்கு மேற்பட்ட கோப்புகளை இணைக்க

pdftk A=12.pdf B=13.pdf C=14.pdf [...] cat A B C output 15.pdf

இதில் ABC என்பது கோப்புகளை குறிக்கும்.இந்த கட்டளையானது கோப்புகளில் இருக்கும் எல்லா பக்கங்களையும் இணைக்கும். இதை கொடுக்காமலும் பயன்படுத்தலாம்.

pdftk 12.pdf 13.pdf 14.pdf [..] cat 15.pdf

2.கோப்புகளிலிருந்து தேவையான பக்கங்களை மட்டும் இணைக்க

pdftk A=12.pdf B=13.pdf C=14.pdf [...] cat A2-5 B2-5 C2-5 output 15.pdf

இதில் A2-5, B2-5 மற்றும் C2-5 என்பது கோப்புகளில் எந்தெந்த பக்கங்களை சேர்க்க வேண்டும் என்பதாகும்.

3. wild card பயன்படுத்துதல்

pdftk *.pdf cat output 15.pdf

Saturday, November 19, 2011

உபுண்டுவில் application launcher உருவாக்குதல்

உபுண்டு 11.10ல் application launcher எப்படி உருவாக்குவது என்பது பற்றி பார்க்கலாம்.

முதலில் விஎல்சியின் launcher உருவாக்குவதைப்பற்றி பார்க்கலாம்.

இதற்கு முதலில் டெர்மினலில் கீழ்கண்ட வரியினை தட்டச்சு செய்ய வேண்டும்.

sudo apt-get install --no-install-recommends gnome-panel


பின்னர் டெர்மினலில் கீழ்கண்ட வரியினை தட்டச்சு செய்ய வேண்டும்.

gnome-desktop-item-edit ~/Desktop/ --create-new

இதனை தட்டச்சு செய்தபின் கீழ்கண்ட விண்டோ தோன்றும்.


இதில் Nameல் VLC என்று தட்டச்சு செய்தபின் commandல் vlc என்று தட்டச்சு செய்து ok பொத்தானை அழுத்த வேண்டும்.


இப்போது மேசைமீது launcher உருவாகி இருப்பதை பார்க்கலாம்.

Thursday, November 10, 2011

உபுண்டுவில் கணினி 3D ஆதரிக்கிறதா என்பதை காண

உபுண்டுவில் நம்முடைய கணினி 3D யினை ஆதரிக்கிறதா என்பதை காண உதவும் டூல் glxgears ஆகும்.

இதனை இயக்க முதலில் mesa-utils என்னும் நிரலை நிறுவிக்கொள்ள வேண்டும். முதலில் டெர்மினலில் கீழ்கண்ட வரியினை தட்டச்சு செய்ய வேண்டும்.

sudo apt-get install mesa-utils

நிரலை நிறுவிய பிறகு டெர்மினலில் glxgears என்று தட்டச்சு செய்ய வேண்டும். இதன் வெளிப்பாடாக இடது மேல் முலையில் மூன்று கியர்கள் சுழல்வது போல் படம் வரும்.


10 முதல் 12 விநாடிகளுக்கு பிறகு திரையில் fps போன்ற தகவல்கள் வரும். fps என்பது frame per second ஆகும். இதன் மதிப்பு 1000க்கு மேல் இருந்தால் 3D acceleration மற்றும் graphics னை ஆதரிப்பதக கொள்ளலாம்.

Tuesday, October 25, 2011

உபுண்டுவில் guest sessionனை நீக்குதல்

உபுண்டு 11.10 லாகின் செய்யும்போது guest session வரும். இதில் பலரும் உள் நுழைய வாய்ப்பு இருக்கிறது. இதை நீக்கிவிடலாம். டெர்மினலில் கீழ்கண்ட வரியினை தட்டச்சு செய்ய வேண்டும்.

sudo gedit /etc/lightdm/lightdm.conf

இப்போது கோப்பு திறந்து கொள்ளும்.


இதில் கீழ்கண்டவாறு வரிகள் இருக்கும்.

[SeatDefaults]
greeter-session=unity-greeter
user-session=ubuntu
autologin-user=

மேற்கண்ட வரியின் கீழ்பகுதியில் allow-guest=false என்பதனை சேர்த்துவிட வேண்டும்.


பின்னர் டெர்மினலில்

sudo restart lightdm என்று தட்டச்சு செய்தால் கணினி மீண்டும் லாகின் திரைக்கு சென்றுவிடும். அதில் guest session இல்லாதிருப்பதை காணலாம்.

Wednesday, October 19, 2011

உபுண்டு 11.10ல் multimedia codecs நிறுவுதல்

உபுண்டு 11.10 நிறுவியபின் அதில் medibuntu repositaryஐ பயன்படுத்தி multimedia codecs நிறுவுதல் பற்றி பார்க்கலாம்.

இதனால் encrypted dvdக்களையும் பார்க்க முடியும்.கீழே உள்ள கட்டளைகலை டெர்மினலில் தட்டச்சு செய்ய வேண்டும்.

sudo apt-get update

sudo wget http://www.medibuntu.org/sources.list.d/$(lsb_release -cs).list --output-document=/etc/apt/sources.list.d/medibuntu.list

sudo apt-get -q update

sudo apt-get --yes -q --allow-unauthenticated install medibuntu-keyring

sudo apt-get -q update

Crash reports பதிவு செய்வதற்கு

sudo apt-get --yes install app-install-data-medibuntu apport-hooks-medibuntu

பின்னர் கீழ்கண்ட கட்டளையை டெர்மினலில் தட்டச்சு செய்தால் codecs நிறுவப்பட்டு விடும்.

sudo apt-get install w32codecs libdvdcss2

Monday, October 17, 2011

உபுண்டு 11.10

உபுண்டு 11.10 சில நாட்களுக்கு முன் வெளியாகிஉள்ளது. இதன் code name oneiric ocelot என்பதாகும். இதனை பற்றி ஒரு பார்வை இப்போது பார்க்கலாம்.

இதனை என்னுடைய மடிக்கணினியில் நிறுவியவுடன் முதலில் தமிழ் தட்டச்சு எப்படி என்பது பற்றித்தான் யோசித்தேன். Scim முறை இதில் சரிப்பட்டு வரவில்லை. 11.04ல் கூட சரியாக வரவில்லை.

இதற்கேன எனக்கு உதவியது மு.மயுரன் என்பவர் எழுதிய பதிவுதான். இதை பயன்படுத்தி தமிழில் ஒலிப்பியல் முறையில் தட்டச்சு செய்ய முடிந்தது. அவர் ibus என்ற முறையில் தமிழ் தட்டச்சு பற்றி எழுதியிருந்தார். அதுவே எனக்கு உதவியது. இதோ அதற்கான சுட்டி. அவருக்கு என் நன்றிகள் .

இதன் மேசை கீழ்கண்ட படத்தில் உள்ளதுபோல் இருக்கும்.


இந்த பதிப்பில் libre office புதிய பதிப்பை சேர்த்திருக்கிறார்கள்.


நெருப்பு நரி 7.0.1 புதிய பதிப்புடன் வந்திருக்கிறது.



Evalaution mailக்கு பதிலாக thunderbirdனை சேர்த்திருக்கிறார்கள்.


விஎல்சி போன்றவைகூட புதிய பதிப்பில் இருக்கிறது.


இதனுடைய software center புதிய வடிவில் இருக்கிறது.

Rhythamboxற்க்கு பதில் Banshee சேர்த்திருக்கிறார்கள்.

shutdown பொத்தானில் system update,printers,system settings,display போன்றவற்றை சேர்த்திருக்கிறார்கள்.

மேலும் இதில் உள்ள நிறுவப்பட்ட நிரல்களை காண மேலே இடது மூலையில் சொடுக்க கீழ்கண்ட வாறு திரை வரும். அதில் நாம் தேர்ந்தெடுத்துக்கொள்ளலாம்.



எனவே இந்த பதிப்பு அனவருக்கும் பயன் உள்ளதாக இருக்கும் என்று நம்புகிறேன்.

Wednesday, September 28, 2011

உபுண்டு பற்றி CNN-IBN தொலைக்காட்சியில் ஒரு விவாதம்

உபுண்டுவை பற்றி இந்திய செய்தி தொலைக்காட்சியில் ஒரு விவாதம். கீழ்கண்ட வீடியோவை பார்க்கவும்.




மேற்கண்ட வீடியோ சுமார் 22 நிமிடங்கள் ஒடக்கூடியது. 15வது நிமிடத்திலிருந்து உபுண்டுவைப்பற்றிய உரையாடல் தொடங்குகிறது.

Thursday, September 22, 2011

உபுண்டுவில் இரண்டு கணினிகளுக்கிடையே சாட் செய்ய

உபுண்டுவில் நெட்வோர்க் மூலம் இணைக்கப்பட்ட இரண்டு கணினிகளுக்கிடையே சாட் செய்ய முடியும். இதற்கான நிரல் ஏற்கனவே உபுண்டுவில் நிறுவப்பட்டு இருக்கும். அப்படியில்லை என்றால் synaptic package manager மூலம் நிறுவிக்கொள்ளலாம்.



முதலில் முதலாம் கணினி டெர்மினலில் கீழ்கண்ட கட்டளையினை தட்டச்சு செய்ய வேண்டும்.

nc -l 55555

பின்னர் இரண்டாம் கணினி டெர்மினலில் முதலாம் கணினியின் ஐபி முகவரியினை கீழ்கண்டவாறு தட்டச்சு செய்ய வேண்டும்.

nc 192.168.1.2 55555

இதில் 55555 என்பது கணினியின் போர்ட் எண்ணாகும்.

இப்போது டெர்மினலில் தட்டச்சு செய்து எண்டட் கீயை அழுத்த இரண்டாம் கணினி திரையில் தெரியும்.



இங்கு சொல்லப்பட்ட இரண்டு கணினிகளும் wifi மூலம் இணைக்கப்பட்டது.

Sunday, September 18, 2011

உபுண்டுவில் இரண்டு கணினி ஒரு அச்சு இயந்திரம்.

உபுண்டுவில் இரண்டு கணினி ஒரு அச்சு இயந்திரம் எப்படி இணைப்பது என்பது பற்றி பார்க்கலாம்.

என்னிடம் ஒரு மேசை கணினி, ஒரு HP 530 மடிக்கணினி wifi வசதி உள்ளது மற்றும் ஒரு HP Desktop F4288 ஆகிய மூன்றையும் ஒரு wifi வசதியுள்ள bsnl modem உதவியுடன் இணைக்கலாம்.

முதலில் மடிக்கணினியையும் அச்சு இயந்திரத்தையும் இணைத்தேன். அச்சு இயந்திரத்திற்கு உபுண்டுவிலேயே டிரைவர் உள்ளதால் தானாகவே இணைந்து கொண்டது.இதனை system->printing சென்றால் காணலாம்.


பின்னர் system->printing->server->settings செல்ல வேண்டும். இதில் show printers shared by other systems, publish shared printers connected to this system, allow printing from the internet, allow remote administration போன்றவைகளில் டிக் செய்து ok பொத்தானை அழுத்த வேண்டும்.


இந்த கணினியின் ip முகவரி network manager iconஇல் கர்சரை வைத்து வலது சொடுக்க வரும் விண்டோவில் connection information ல் தெரிந்து கொள்ளலாம்.



இப்போது இந்த அச்சு இயந்திரத்தில் test pageனை எடுத்து பார்த்துக்கொள்ளலாம்.



இப்போது சற்று தொலைவில் உள்ள மேசை கணினியினை எப்படி இணைப்பது என்று பார்க்கலாம்.

இதிலும் system->printing->server->settingsனை முன்னர் குறிப்பிட்டது போலவே அமைத்துகொண்டாலே அச்சு இயந்திரம் இணைந்துவிடும்.


அப்படியில்லை என்றால் add பொத்தானை அழுத்தி வரும் விண்டோவில் internet printing protocol என்பதனை தேர்ந்தெடுத்து வலது புறம் உள்ள விண்டோவில்

host என்பதில் 192.168.1.3:631/printers/Deskjet-F4200-series என்று தட்டச்சு செய்ய வேண்டும்.

இதில் அச்சு இயந்திரம் எந்த கணினியுடன் இணைந்திருக்கிறதோ அதன் ip முகவரியினை கீழ்கண்டவாறு தர வேண்டும்.

பின்னர் forward பொத்தானை அழுத்த அச்சு இயந்திரம் தயாரகிவிடும். இரண்டு கணினியிலும் அச்சு இயந்திரத்தின் டிரைவர்கள் இருக்க வேண்டும்.


இப்போது மேசைக்கணினியிலும் அச்சு இயந்திரம் செயல்படுவதைப்பார்க்கலாம்.

Saturday, September 17, 2011

உபுண்டுவில் wifiஐ பயன்படுத்தி இரண்டு கணினிகளுக்கிடையே கோப்புகளை பகிர்தல்

உபுண்டுவில் இரண்டு கணினிகளுக்கிடையே கோப்புகளை பகிர wifi ஐ பயன்படுத்தாம். இதற்காக இரண்டு கணினிகளிலும் shared option உடைய அடைவுகள் இருக்க வேண்டும். ஒரு அடைவிற்கு shared option ஏற்படுத்துவது எளிதானது.

ஹோம் அடைவினுள் ஒரு அடைவினை ஏற்படுத்தியோ அல்லது ஏற்கனவே இருக்கும் ஒரு அடைவில் மீது கர்சரை வைத்து வலது சொடுக்க வரும் விண்டோவில் shared options என்று இருப்பதை தேர்ந்தெடுக்க வேண்டும்.



மேலே உள்ள படத்தில் வருவது போல் விண்டோ வரும் அதில் share this folder என்பதை டிக் செய்திட வேண்டும். இப்போது service நிறுவவில்லை என்று செய்தி வரும். அதாவது samba நிரல் நிறுவவில்லை என்றால் இப்படி ஒரு செய்தி வரும். கூடவே install services என்று இருக்கும் பொத்தானை அழுத்தினால் நிரல் நிறுவப்பட்டுவிடும். அதேபோல் இன்னோரு கணினியிலும் நிறுவிக்கொள்ள வேண்டும்.

என்னுடையது ஒன்று மேசை கணினி மற்றது மடிக்கணினி. இரண்டிலும் அடைவுகளிலும் மேலே சொன்னது போல் shared option ஏற்படுத்திக்கொண்டேன்.



இப்போது Places->network சென்றால் கீழ்கண்டவாறு விண்டோ வரும்.



இதில் desk என்று இருப்பது மேசைகணினி மற்றது HP-53 என்று இருப்பது மடிகணினி ஆகும். இரண்டின் மீதும் கர்சரைவைத்து அழுத்த கடவுச்சொல் கேட்கும். இதில் கணினியின் கடவுச்சொல்லை கொடுக்க வேண்டும். இரண்டு கணினியும் மேசை மீது வந்துவிடும்.



நான் மேசைக்கணினியில் இருந்தாவாறு மடிக்கணியில் கோப்புகளை பகிர்ந்து கொண்டேன். இந்த வீடுகளிலும் கணினிகளை எளிதில் இணைத்துக்கொள்ளலாம்.

Thursday, September 8, 2011

உபுண்டுவில் defaultஆக உள்ள அடைவுகளை மாற்ற

உபுண்டுவில் default உள்ள அடைவுகளான downloads, music,videos போன்றவற்றை நம் விருப்பம் போல் மாற்றிக்கொள்ள முடியும்.

உதாரணமாக இணையத்திலிருந்து ஏதேனும் கோப்பினை தரவிறக்கும்போது Downloads என்ற அடைவினுள் சேமிக்கப்பட்டுவிடும். அவ்வாறில்லாமல் நம் விருப்பம் போல் அடைவினை உருவாக்கி அதில் சேமிக்க முடியும்.

Home அடைவினுள் ஒரு அடைவாக Down என்ற அடைவினை உருவாக்கினேன். இதனை default ஆக மாற்ற கீழ்கண்ட வழிமுறையினை பின்பற்றலாம்.


மேற்கண்ட படத்தில் அடைவு உருவாகி இருப்பதை காணலாம். மேலும் view->show hidden files சென்றால் அதில் மறைக்கப்பட்ட அடைவுகள் தெரிவதை காணலாம். அதில் .conig அடைவிற்கு சென்று அதில் user-dirs.dirs என்ற கோப்பினை திறந்துகொள்ள வேண்டும்.


கோப்பினை திறந்தால்


அதில் கீழ்கண்டவாறு வரிகள் இருக்கும்.

XDG_DESKTOP_DIR="$HOME/Desktop"
XDG_DOWNLOAD_DIR="$HOME/Downloads"
XDG_TEMPLATES_DIR="$HOME/Templates"
XDG_PUBLICSHARE_DIR="$HOME/Public"
XDG_DOCUMENTS_DIR="$HOME/Documents"
XDG_MUSIC_DIR="$HOME/Music"
XDG_PICTURES_DIR="$HOME/Pictures"
XDG_VIDEOS_DIR="$HOME/Videos"

இதில்

XDG_DOWNLOAD_DIR="$HOME/Downloads" என்பதற்கு பதிலாக
XDG_DOWNLOAD_DIR="$HOME/Down" என்று மாற்றிவிட்டால் போதும். தரவிறக்கப்படும் கோப்புகள் இந்த அடைவினுள் சேமிக்கப்படும்.


இதைப்போல் மற்ற அடைவுகளான video, pictures போன்ற அடைவுகளையும் நம் விருப்பம் போல் மாற்றிக்கொள்ளலாம்.

Tuesday, September 6, 2011

உபுண்டுவில் டெர்மினலில் நாம் தட்டச்சு செய்த கட்டளைகளை மறைக்க

உபுண்டு டெர்மினலில் சிலசமயம் நாம் சில கட்டளைகளை தட்டச்சு செய்து பயன்படுத்தி இருப்போம். அவற்றை பார்க்க டெர்மினலில் arrow விசையை கொண்டு மேலும் கீழும் நகர்த்தி பார்க்கலாம்.

இந்த கட்டளைகளை மறைக்க டெர்மினலில் கீழ்கண்ட கட்டளையை தட்டச்சு செய்ய வேண்டும்.

#stty -echo


இப்போது arrow விசையை மேலும் கீழும் அசைத்தால் எந்த ஒரு கட்டளையும் வராது.

மீண்டும் டெர்மினலில் கட்டளைகள் தெரிய கீழ்கண்ட வரியினை தட்டச்சு செய்ய வேண்டும்.

#stty echo

Sunday, September 4, 2011

உபுண்டுவில் /var/lib/dpkg/lock பிழையை சரிசெய்ய



உபுண்டுவில் update செய்யும்போது பொதுவாக ஏற்படும் பிரச்சனை /var/lib/dpkg/lock ஆகும்.


இந்த /var/lib/dpkg/lock கோப்பு ஏதெனும் காரணத்திற்காக பிழை ஏற்பட்டுவிட்டால் கீழ்கண்டவாறு பிழை செய்தி வரும்.

E: Could not get lock /var/lib/dpkg/lock - open (11 Resource temporarily unavailable) E: Unable to lock the administration directory (/var/lib/dpkg/), is another process using it?

இந்த பிழையை டெர்மினலில் sudo apt-get update என்று தட்டச்சு செய்தால் சரியாகிவிடும். அப்படியும் சரியாகவில்லை என்றால் கீழ்கண்ட வரியினை டெர்மினலில் தட்டச்சு செய்தால் சரியாகிவிடும்.

sudo fuser -cuk /var/lib/dpkg/lock; sudo rm -f /var/lib/dpkg/lock




Thursday, September 1, 2011

உபுண்டுவில் மவுஸ் ஸ்க்ரோல் பொத்தானை செயலிழக்க செய்ய


உபுண்டுவில் ஏதேனும் வலைப்பக்கத்தை பார்த்துகொண்டு இருக்கும்போதோ அல்லது ஏதேனும் கடிதம் தட்டச்சு செய்யும் போது மவுஸ் ஸ்க்ரோல் பொத்தானை மேலும் கீழும் சென்று எளிதில் நம்முடைய வேலைகளை செய்ய பயன்படும்.

இந்த மவுஸ் ஸ்க்ரோல் பொத்தானை செயலிழக்க செய்ய முடியும். இதற்கு முதலில் டெர்மினலில் கீழ்கண்ட வரியை தட்டச்சு செய்ய வேண்டும்.

xinput list

இந்த கட்டளைக்கு கீழ்கண்டவாறு டெர்மினலில் திரை வரும்.


மேலே உள்ள படத்தில் மவுஸின் அடையாளம் கீழ்கண்ட வரியைபோல் வந்து இருப்பதை பார்க்கலாம்.

↳ Logitech USB Optical Mouse id=8 [slave pointer (2)]

இப்போது டெர்மினலில் கீழ்கண்ட வரியினை தட்டச்சு செய்தால் கீழ்கண்டவாறு திரை வந்திருக்கும்.

xinput get-button-map 8



1234567 என்றவாறு எண்கள் வந்திருக்கும். இந்த எண்களில்தான் மவுஸ் பொத்தானகளின் செயல்படுகள் அமைந்திருக்கின்றன. இதனை தெரிந்துகொள்ள டெர்மினலில் கீழ்கண்ட தட்டச்சு செய்ய வேண்டும்.

xinput list 8


இந்த எண்களில் 4 மற்றும் 5 ல் தான் மவுஸ் ஸ்க்ரோல் பொத்தான் வேலை செய்யும். இந்த செயல்பாட்டை தடுக்க டெர்மினலில் கீழ்கண்ட வரியினை தட்டச்சு செய்ய வேண்டும்.

xinput set-button-map 8 1 2 3 0 0

இந்த கட்டளையை கொடுத்தவுடன் மவுஸ் வீல் வேலை செய்யாது. இதனை மாற்ற டெர்மினலில் மீண்டும் கீழ்கண்டவாறு தட்டச்சு செய்ய வேண்டும்.

xinput set-button-map 8 1 2 3 4 5 6 7

இப்போது மவுஸ் வீல் வேலை செய்வதைப்பார்க்கலாம்.



Friday, August 26, 2011

உபுண்டுவில் vlc உதவியுடன் வீடியோ wallpaper அமைக்க


உபுண்டுவில் vlcயின் உபயோகம் பல உள்ளது. இதில் ஒன்று ஒரு வீடியோ கோப்பினை wall paper ஆக மாற்றி அமைக்க முடியும். இதற்கு உதவும் கட்டளை cvlc என்பதாகும்.

டெர்மினலில் கீழ்கண்ட வரியினை தட்டச்சு செய்ய வேண்டும்.

cvlc --video-wallpaper --no-audio /home/user name/Videos/video file

இதனை உபுண்டு துவங்கும் போதே ஆரம்பிக்க startup applicationல் சேர்த்துவிட வேண்டும்.

system->preferences->startupapplications செல்ல வேண்டும். இதில் add பொத்தானை அழுத்தினால் வரும் விண்டோவில் கட்டளைகளை அமைக்க வேண்டும்.


Name->Video Wallpaper
Command->cvlc --video-wallpaper --no-audio /home/user name/Videos/video file

இந்த கட்டளை கொடுத்தால் ஆடியோ கேட்க்காது. ஆடியோ வேண்டுமென்றால் மேற்கண்ட கட்டளை வரியிலிருந்து --no-audio என்பதனை நீக்கிவிட வேண்டும். இப்போது கணினியை மீளதுவங்க வீடியோ கோப்பு wall paper ஆக ஒட ஆரம்பிக்கும்.



Thursday, August 25, 2011

உபுண்டுவில் அடைவுகளை உருவாக்க ஒரு எளிய வழி



உபுண்டுவில் அடைவுகளை (folder) சுலபமாக உருவக்கலாம். உதாரணமாக abc1, abc2, abc3,abc4 மற்றும் abc5 என்ற பெயர் உள்ள ஐந்து அடைவுகளை உருவாக்க டெர்மினலில் ஒரு சிறிய கட்டளை கொடுத்தாலே போதுமானது.

டெர்மினலில் கீழ்கண்டவாறு தட்டச்சு செய்ய வேண்டும்.

mkdir abc{1,2,3,4,5}

இப்போது ஐந்து அடைவுகள் உருவாக்கி இருக்கும்.


இந்த அடைவுகளி நீக்குவதும் எளிது. டெர்மினலில் கீழ்கண்டவாறு தட்டச்சு செய்ய வேண்டும்.

rmdir abc*

இப்போது அடைவுகள் நீக்கப்பட்டு இருக்கும்.

Sunday, August 21, 2011

உபுண்டு உச்ச நீதிமன்றத்திலும் உபுண்டு லினக்ஸ்


கடந்த 5 வருடங்களாக உச்ச நீதிமன்றத்தில் உபயோகப்படுத்தப்பட்டு வந்த redhat linux 5 தற்சமயம் மாற்றப்பட்டு உபுண்டு லினிக்ஸ் பயன்பாட்டுக்கு வந்துள்ளது. எனவே உச்ச நீதிமன்றம் அதன் கீழ் இயங்கும் சுமார் 17000 நீதிமன்றத்திலும் உபுண்டு 10.04 பயன்படுத்த கேட்டுக்கொண்டுள்ளது.

ஒவ்வொரு நீதிமன்றத்திலும் சுமார் 4 முதல் 5 கணினிகள் இருக்கும். அதன் படி சுமார் அனைத்து நீதிமன்றத்திலும் உபுண்டு என்றால் சுமார் 85000 கணினிகளில் உபுண்டு 10.04 நிறுவப்படும்.

இந்த சுட்டியை பார்த்தால் நமக்கு நன்றாக புரியும். இதில் உபுண்டு நிறுவ விளக்கங்கள் மற்றும் வீடியோ (ogv வடிவில் கிடைக்கிறது) பார்த்தால் தெரியும்.

http://www.sci.nic.in/e-committee.htm



மேலும் உபுண்டு பற்றிய tips & tricks போன்றவற்றை sms மூலம் பெறுவதற்கு கீழ்கண்ட சுட்டியை பார்க்கவும்.

http://labs.google.co.in/smschannels/subscribe/UBUNTU-LINUX

sms மூலம் trips & tricks பெறுவதற்கு நம்முடைய கைப்பேசியிலிருந்து

ON UBUNTU-LINUX என்று தட்டச்சு செய்து 09870807070 என்ற எண்ணிற்கு sms அனுப்ப வேண்டும்.

உச்ச நீதிமன்றமே அதில் இருக்கும் ஊழியர்களை tips&trics பெறுவதற்கு இந்த சேனலில் இணையுமாறு கேட்டுக்கொண்டுள்ளது.


Sunday, August 7, 2011

உபுண்டுவில் shut down செய்ய keyboard shortcut key

உபுண்டுவில் விசைபலகையை பயன்படுத்தி shutdown செய்ய cntrl+alt+del அல்லாமல் இரண்டு பொத்தானகளை அழுத்தி செய்யமுடியும்.

இதற்கு Preferences->keyboard shortcuts செல்ல வேண்டும்.


இதில் Add பொத்தானை அழுத்த வரும் விண்டோவில்


Name என்பதில் Shutdown
Command என்பதில் /usr/lib/indicator-session/gtk-logout-helper -s

என்று தட்டச்சு செய்துவிட்டு apply பொத்தானை அழுத்த வேண்டும்.



இப்போது திரையில் keyboard shortcut விண்டோவில் custom shortcuts என்பதற்கு கீழே shutdown வந்திருப்பதையும் அதற்கு நேரே disabled என்பது இருக்கும். Disabled என்பதில் கிளீக் செய்தபின் newshortcut என்று வரும். அப்போது ஏதேனும் இரண்டு விசைகளை அழுத்த அதுவே shutdown செய்வதற்கு shortcut விசையாக பயன்படும். நான் இதில் Alt+s என்பதாக வைத்துக் கொண்டேன். பின்னர் close பொத்தானை அழுத்தவேண்டும். இப்போது மேசை மீது Alt+s என்ற விசைகளை அழுத்தினால் shutdown திரை வந்துவிடும்.

Saturday, August 6, 2011

உபுண்டுவில் தமிழக அரசின் விசைப்பலகை drivers

உபுண்டுவில் தமிழ் விசைப்பலகைக்கான driverகளை அண்மையில் தமிழக அரசு வெளியிட்டுள்ளது. இதற்கான சுட்டி

இந்த சுட்டியிலிருந்து கோப்பினை தரவிறக்கி நிறுவிக்கொள்ளலாம். இந்த கோப்பு zip வடிவில் கிடைக்கிறது. இதனை விரித்து மேசைமீதே வைத்து கொண்டேன். பெரிய பெயராக இருந்ததால் அதனை சிறிய பெயராக மாற்றிக்கொண்டேன்.இதனை நிறுவுவது சுலபம். அதிலேயே வழிமுறைகள் கொடுக்கப்பட்டுள்ளன. தமிழ் 99 விசைப்பலகை உள்ளது.

எனவே டெர்மினலில் விசைப்பலகை அடைவிற்கு சென்று கீழ்கண்டவாறு கட்டளை கொடுக்க வேண்டும்.

sudo su
sh Install

என்று கொடுத்தால் போதும் நிறுவப்பட்டுவிடும்.


இதன் driver களை இயக்குவதற்கு Applications->Tamil Keyboard Interface->TN Govt.Keyboard Interface செல்ல வேண்டும்.




இப்போது டாப் பேனலில் இதன் ஐகான் இருப்பதை காணலாம். இதில் வலது சொடுக்கினால் பல ஆப்ஷன்களை தேர்ந்தெடுத்துக்கொள்ளலாம்.


இதில் help தேர்ந்தெடுத்து விசைப்பலகையை திரையில் காணமுடியும். முதலில் பழக இதனை பார்த்து தட்டச்சு செய்துகொள்ளலாம்.




இதனை geditல் பயன்படுத்தலாம்.


Libre officeலும் பயன்படுத்த முடியும்.



இதன் குறைகள்

நெருப்பு நரி மற்றும் தண்டர்பேர்டில் பயன்படுத்த முடியவில்லை.

இது ஒரு சோதனை பதிப்புதான். நிறைகுறைகள் கேட்கப்பட்டு உள்ளது. வெகு விரைவில் மேற்கண்ட குறைகள் சரியாகிவிடும்.